Då vi kom oss til Otta venta det overnatting og mykje god mat heime hjå Anne Kristine og Jørn. Dei hadde også tatt vare på depoet vårt for etappa gjennom Rondane. Her venta også det nye teltet frå Hel Sport, Fjellheimen X-trem. Takk for det! Og Mange takk til "hotell Engen", det var triveleg å vera hjå dykk! Frå Otta fekk vi følge av Ole og Ine som har bidratt med flotte blogginnlegg og bilete. Det var stas å ha dei med! Vi tok farvel med dei på Folldal og fortsette ferda etter Femundløpsløype, skiløyper, scooterspor, bilveg og hesteløype til Røros. Dette var eit område vi absolutt ikkje hadde noko kjennskap til, men fekk gode råd på Grimsbu Turistsenter om ruta vidare. Der var det Siberian Husky-treff og vi telta rett ved løpstrasseen. Randi synest det var svært eksotisk å vakne opp til trekkhundløp rett utanfor teltduken.
 |
| Trivelege Bergstaden Hotell. |
Blant anna trengte vi meir hundefor og menneskefor. Det fyrstnemte fekk vi tak i på hundebutikken Troll. Der var det ein triveleg kar som synest det var artig at vi var på langtur. Han sponsa oss like godt med hundefor for den neste etappa. Vi er heldige som treff på så mange gavmilde og hjelpsame folk! Det er så artig for folk tar stadig kontakt med oss og vil prate og hjelpe oss. Turen handlar mykje om det å oppleve naturen og dei flotte fjellområda, men alle menneska vi møter gjer turen ekstra spanande og innhaldsrik. No ser vi fram til turen vidare, dei fyrste dagane vil vi ha følge av av Leif, ein høg nordlending!
