No er me heime i Valdres ein tur, 35 dagar etter at me starta frå Lindesnes. Det har vore skikkeleg stas å bli varta opp heime, men no kjenner me at fjella kallar, og det er på tide å vende nasen og skituppane nordover.
Etappa har vore prega av fin natur og greit ver. Me fekk testa GPSen etter Finse, då me gjekk over til Geiterygghytta i tjukk skodde og bakrus. Ekstra godt å koma fram på ein slik dag. Stor takk til Jan Eira som lånte bort hytta si ved Geiterygghytta!
I nedkøyringa til Iungdalshytta rauk pulkdraget til Randi (då ho for ei gongs skuld prøvde å ta det med ro i ein nedoverbakke), det er no teipa og spjelka.
Randi på trynet
Randi deigar seg på Geiterygghytta
Etappa frå Finse gjekk fort. Me bestemte oss for å bli henta på Hemsedalsfjellet, ei dagsetappe sør for Tyinkrysset. Åslaug hadde fått infeksjon i gnagsåra og måtte difor ta det med ro nokre dagar. Dette passa bra sidan me likevel skulle ta ei pause i Valdres. Her har me ete, fiksa småtteri og skrive geografioppgåver. Triveleg å helse på folk, og artig å høyre at så mange les bloggen vår! Tysdag eller onsdag ber det vidare.
Her er nokre blinkskot frå etappa Lindesnes - Valdres:
På Lindesnes - kongen ynskte oss god tur!
Setesdalsheier...
Håhelleren
Når ein ligg verfast nyttast tida til studering
Dagens antrekk: campsko (ajungliak), knevarmarar (mamma), stilongs (åsnes), ulltruse (snodig), ulljakke (åsnes), buff (vang sparebank), vøtta (norrønna). Hair and makeup: fråverande
Hå(r)helleren
Det er noko grepa til vind - me lyt snu
Teltleir ved Taumevatn
Kveldskos
Snø og vind i Setesdalsheiene
...og der snudde vinden 90grader...
Laus snø før Bleskestadmoen
Vind + snø = skavlar som knekk
Morgonkaos går ann i finver
Morgonstund med gull i munn
Turistskaret
Haukeliseter. Mat. Øl.
Teltet er også ein fin stad å liggje verfast
Så slår me til med kvart vårt knekkebrød
Tining av øl
Åslaug posar i fint lys
Åslaug posar framfor Hardangerjøkulen
Mot Finse
Kitarar
Skilting i fjellet - mellom Geiterygghytta og Kongshelleren
Pierre har også teke turen til fjells
Pulkdrag type knukke og spjelka
Sol. Fint.
Litt moro ska'n ha det med nasepassaren
Pierre er stadig å treffe på i fjellet
Gnagsår
Følger med dere kvar einaste dag. Ekstra spennande når det kjem bilder. Ta vare på dere sjøl - gnagsåret såg ikkje bra ut:( God tur vidare alle saman. Klem frå Randi si Tante Marit :)
SvarSlettSå triveleg tante Marit! Takk for det, no er det innspurt i oppgåveskriving, så ber det vidare! Hels! :-)
SvarSlettMange fine bilde.
SvarSlettHa ein forsatt god tur!
Kjell Erik